Бишкекте УКМКга караштуу мектепке чейинки билим берүү мекемеси ачылды

Бишкекте Улуттук коопсуздук боюнча мамлекеттик комитетке караштуу №7 “Алтын-балалык” мектепке чейинки билим берүү мекемеси ачылды.

Комитеттин басма сөз кызматы билдиргендей, мекеме эки кабаттан туруп, 220 орунга ылайыкташкан. Бардык зарыл шарттар жана эмеректер менен жабдылган. «Алтын-балалык» орто мектепке даярдоо үчүн 2,5 жаштан жогорку балдарды кабыл алат.

«Алтын Балалыктын» курулушу президенттин резервдик фондунан каржыланды.