Бишкек шаарында чогуу жашаган кишиси тарабынан барымтага алынып, бычак жеген аял каза болду. Бул тууралуу Бишкек шаардык №4 травматология жана ортопедиялык илимий-изилдөө борборунан кабарлашты.
«Жабырлануучу аял мойну тарабына үч жолу бычак жеген. Ал жандандыруу бөлүмүндө, комада», - деп маалымдалган буга чейин.
Окуя 17-июнда саат 19:00 чамасында борбордун батыш бөлүгүндө катталып, белгисиз адам аял кишиге кол салган.
"Милицияга билдирүү саат 19:50дө түшкөн. Алар Дэн Сяопин көчөсүндө белгисиз адам бычакка окшош буюм менен коркутуп жатканын билдиришкен. Чакыруу түшкөн жерге милициянын кайгуул кызматынын кызматкерлери, ыкчам тергөө тобу, ошондой эле Биринчи май РИИБдин №5 милиция бөлүмүнүн башчысы Эркин Жаанбаев барган. Ал аталган адам менен сүйлөшүү жүргүзүп, шектүү андан кийин колго түшкөн. Ал 1984-жылы туулган С.К. экени аныкталып, Биринчи май РИИБге жеткирилген. Анын сүйүктүүсүн барымтага алышына кызганыч себеп болгон», - деп айтылган милициянын маалыматында.
Пикирлер (0)
Пикир жок. Сиз биринчилерден болушуңуз мүмкүн