Бишкекте жаштар, чоңдор арасында бильярддын эркин жана динамикалык пирамида түрү боюнча дүйнө чемпионаты өтөт. Бул тууралуу Маданият, маалымат, спорт жана жаштар саясаты министрлиги билдирди.
Ага ылайык, 22-25-февраль күндөрү жаштар арасында "Эркин пирамида" түрү боюнча мелдештер уюштурулат. Ал эми чоңдор арасында "Аралаш пирамида" түрү боюнча мелдештер 27-февраль күнү башталып, 2-мартка чейин уланат.
Жалпысынан иш-чарага дүйнөнүн 20га жакын өлкөсүнөн 200дөн ашык спортчу катышат. Оюн "Газпром-балдарга" ден соолукту чыңдоо борборунда өтөт.
Пикирлер (0)
Пикир жок. Сиз биринчилерден болушуңуз мүмкүн