Бугу 24, 2024
Убакыт: 11:12
USD
87.80
88.70
EUR
94.70
95.70
RUB
0.970
0.990

Бишкекте бүгүндөн тарта №23 жаңы автобустук каттам ишке кирет

16.04.2024 11:38
93
Бишкекте бүгүндөн тарта №23 жаңы автобустук каттам ишке кирет


Бишкекте бүгүн, 16-апрелден тарта №23 жаңы автобустук каттам ишке кирет.

Муниципалитеттен билдиришкендей, жаңы автобус линиясынын каттамы айланма жолдон – "Бишкекавтобекети" муниципалдык ишканасынан башталат, ал чыгыш багытта Киргизская көчөсүнө чейин барат.

"Автобус Саадаев көчөсүнө чейин барат, ал жерден Тоголок Молдо көчөсүнө чыгат. Тоголок Молдо көчөсү менен Жибек Жолу проспектисине чейин барып, Тынчтык проспектисине чыгат. Андан ары автобус Токтогул көчөсү менен Асаналиев көчөсүнө чейин, ал жерден Лев Толстой көчөсүнө чыгат. Лев Толстой көчөсү боюнча автобус Тимур Фрунзе көчөсүнө чейин барып, Гагарин көчөсүнө чейин жетет. Кырк-Кыз көчөсү түштүк тарапты көздөй Ахунбаев көчөсүнө чейин автобус каттайт. Муромский көчөсүнө чейин жетип, № 23 автобус Жал айылына чейин каттайт", - деп түшүндүрүштү мэриядан.

Белгилей кетсек, жалпысынан 25 автобус каттайт. "А" чекитинен "Б" чекитине чейинки аралык 56 чакырымды түзөт. Автобустардын ортосундагы аралык 7 мүнөттөн 9 мүнөткө чейин болот.

Мындан тышкары, шаардыктар коомдук транспорттун кыймылын "Менин шаарым"мобилдик тиркемеси аркылуу онлайн режиминде көзөмөлдөй алышат.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн