Бишкекте дагы 4 медик коронавирус жуктуруп алды

Бир сутка ичинде Бишкек шаарында 4 медициналык кызматкер коронавирус жуктуруп алды. Бул тууралуу 21-майдагы брифингде саламаттыкты сактоо министринин орун басары Нурболот Үсөнбаев билдирди.

 Маалыматка ылайык, стационарлардан 2 медкызматкер сакайып чыкты. Муну менен дартты жеңген ак халатчандарын жалпы саны 223кө жетти.

Жалпысынан республика боюнча COVID-19 диагнозу менен медициналык кызматкерлер арасында – 270 учур катталды.