Бишкек шаарынын ИИББнын ыкчам кызматкерлери тарабынан уурулукка шектүү кармалды. Бул тууралуу мекеменин басма сөз кызматы билдирди.
Маалыматка ылайык, 2022-жылдын 5-декабрында жаран Б.Д. белгисиз адамдарга карата чара көрүү өтүнүчү менен үстүбүздөгү жылдын көрсөтүлгөн күнү саат 14:10дон 15:10го чейин Чукотская көчөсүндө жайгашкан жеке турак жайлардын бирине пластикалык терезени кысып, мыйзамсыз кирип, 9 миң 800 АКШ доллары өлчөмүндөгү акча каражаттарын жашыруун уурдап, белгисиз тарапка качып кетишкен.
Аталган факты Ленин районунун ИИБнын кылмыштардын бирдиктүү реестери катталып, Кыргыз Республикасынын Кылмыш-жаза кодексинин 205-беренесинин (уурдоо) негизинде кылмыш иши козголгон.
Жүргүзүлгөн иликтөө жана ыкчам-издөө иш-чараларынын жүрүшүндө Бишкек ш.ИИББнын ыкчам кызматкерлери кыска убакыттын ичинде кылмышка шектүү 1988-жылы туулган К.С. кармалып, Ленин районунун ИИБнын Тергөө кызматына жеткирилип, Кыргыз Республикасынын Кылмыш-процессуалдык кодексинин 96-беренесине ылайык, Бишкек шаарынын ИИББнын убактылуу кармоочу изаляторуна киргизилген. Бишкек шаарынын Ленин райондук соту тарабынан шектүүгө карата 2022-жылдын 21-декабрына чейин Бишкек шаарындагы СИЗО-1ге камоо менен камакка алуу түрүндөгү баш коргоо чарасын тандаган.
Учурда анын башка ушул сыяктуу кылмыштарды жасоого катыштыгы бар экендиги аныкталууда.
Пикирлер (0)
Пикир жок. Сиз биринчилерден болушуңуз мүмкүн