Бишкекте дүйнөдөгү биринчи жана жалгыз “Ы тамгасы” арт-объекти пайда болду

Бүгүн, 29-апрелде Бишкек шаарынын 146 жылдыгы белгиленип жатат.

Майрамдын урматына “Ынтымак” сейил багында “Ы тамгасы” арт-объектисинин ачылышы болду.

Иш-чарага Бишкек шаарынын мэринин орун басары Жыргалбек Шамыралиев, Октябрь райондук администрациясынын башчысы Жаныбек Орозалиев, “Россиялык гезиттин” Борбор Азиядагы өкүлчүлүгүнүн директору Дмитрий Евлашков катышты.

Арт-объект QR - код менен жабдылып, "Ынтымак" паркына келген коноктор Кыргызстан жөнүндө негизги маалыматтарды: географиялык маалыматты, өлкөнүн жана анын элинин кыскача тарыхын, орусча-кыргызча сөздүктү ала алышат. Маалымат эки тилде: мамлекеттик кыргыз жана расмий орус тилдеринде жарыяланат.