Бишкекте ири алдамчылыкка шектүү аял кармалды

Бишкекте 700 миң сомдон ашуун акча каражатын алдап алууга шектүү жаран кармалды. Бул тууралуу Свердлов РИИБинен билдиришти.

Маалыматка ылайык, милицияга Бишкек шаарынын О.Б. аттуу тургуну “М” аттуу чала таанышы 703 миң 600 сом өлчөмүндөгү акча каражатын алдап алып из жашырып кеткендигин айтып, чара көрүү өтүнүчү менен кайрылган. Аталган факты боюнча Кылмыш-жаза кодексинин 209-беренесинин (Алдамчылык) негизинде кылмыш иши козголгон.

Свердлов РИИБнин кылмыш иликтөө бөлүмү тарабынан комплекстүү иликтөө иш-чараларынын жүрүшүндө кылмышка шектүү катары 1985-жылы туулган М.М. аттуу аял кармалып, убактылуу кармоочу жайга киргизилди.