Бишкекте киши өлтүрүп, Таласка качкан жаран кармалды

Бишкекте М.С аттуу кишини өлтүрүүгө шектүү жаран Таластан кармалды. Бул тууралуу Биринчи Май РИИБдин басма сөз кызматы 19-январда билдирди.

Маалыматка ылайык, 12-январда кечки саат алтыда . Сергей Лазо көчөсүндөгү үйдө 1966-жылы туулган М.С.нын зомбулук менен өлтүрүлгөн белгилери бар жансыз денеси табылган. Ал бычактан алган жаракатынан улам көз жумган.

Бул факт КЖБР  Кыргыз Республикасынын Кылмыш-жаза кодексинин 130 ("Киши өлтүрүү") беренеси менен катталган.

Шектүү мурда соттолгон 1970-жылы туулган К.М. аттуу адам болуп чыккан.  Ал Бишкек ШИИББнин убактылуу кармоочу жайына киргизилген.

Учурда тергөө иштери жүрүп жатат.