Бишкекте киши өлтүрүүгө шектелип 2 жаран кармалды

Бишкек шаарында адам өлтүрүүгө шектелгендер кармалды. Бул тууралуу 7-мартта Ленин райондук ички иштер башкармалыгынын басма сөз кызматы билдирди.

1-март күнү түштөн кийин Чуйков көчөсүндө, жеке үйдүн жанында башы сынган адамдын жансыз денеси табылган. Бул факт бирдиктүү реестрге Кыргыз Республикасынын Кылмыш-жаза кодексинин 130-беренеси ("Адам өлтүрүү") менен катталган.

"Трамплин" профилактикалык иш-чарасынын жүрүшүндө, Ленин РИИБдин райондук ички иштер бөлүмүнүн 2-бөлүмү тарабынан кылмышка шектүү 1987-жылы туулган С.С. жана 1995-жылы туулган С.А. кармалган.

Алар Биринчи Май РИИБдин Тергөө кызматына жеткирилип, андан соң  тергөө абагына киргизилген.

Учурда тергөө иштери жүрүп жатат.