Бишкекте көчөлөрдүн жаңы кесилиштери пайда болот

Кытайдын  гранттык каражаттарынын эсебинен "Бишкек шаарынын жол тармагын өнүктүрүү" долбоорунун үчүнчү фазасында Бишкек шаарында төрт транспорттук кесилиш түйүнүн куруу пландалууда. Бул тууралуу муниципалитеттин капиталдык курулуш башкармалыгынын башчысынын орун басары Улан Уезбаев мэрияда өткөн жыйында билдирди.                                  

Анын айтымында, буга чейин Кытай тарап менен  биринчи кезекте кайсы кесилиш жолдорду куруу боюнча сүйлөшүүлөр болгон.

«Дизайнды Кытай тарап жүргүзөт. Жол кесилиштери Жибек Жолу-Профсоюз, Айтматов-Медеров проспектисинде, ошондой эле Чүй-Фучик, Фучик-Толстой көчөлөрүндө пайда болот. Акыркы экөөнү биринчи бүтүрүү керек», - деди ал.

Белгилей кетсек, долбоордун экинчи фазасы боюнча иш жаңы башталды. Ал эки жылга пландалган.