Бишкек шаарында коменданттык саат учурунда тартип бузуулар катталган жок. Бул тууралуу ШИИБдин басма сөз кызматы билдирди.
Маалыматка караганда, шаар боюнча тургундардын жана коноктордун коопсуздугун камсыз кылуу максатында зарыл болгон алдын алуу иш-чаралары жүргүзүлдү.
"Коомдук тартипти бузуу жана жеке, мамлекеттик мүлккө кол салуу факттары катталган жок. Коопсуздукту Бишкек шаарынын милициясы, кайгуул кызматы, аскерлер жана элдик кошуундар камсыздап жатышат", - деп айтылат маалыматта.
Буга чейин ИИМден маалымдашкандай, Бишкек шаарында коменданттык сааттын убактысы 22:00дөн эртең мененки саат 05:00гө чейин уланат.
Пикирлер (0)
Пикир жок. Сиз биринчилерден болушуңуз мүмкүн