Бишкекте коомдук тамактануучу жайлардын ишине чектөө киргизилет, - мэрия

Кийинки жумадан баштап тамактануучу жайлардын ишине чектөө киргизилиши мүмкүн. Бул тууралуу 25-июнда Бишкек шаардык мэриясынын аппарат башчысы Балбак Түлөбаев брифингде билдирди. 

Анын айтымында, берилген алгоритмдин негизинде иштебеген кафелердин ишине кийинки жумадан баштап чектөөлөр киргизилиши мүмкүн.

«Биз борордук штабга кафелердин иштеши боюнча сунуш бердик. Эгерде базарлардан тышкары, кафе, ресторан, бар, ашканалар, жалпы тамактануучу жайлар биз берген алгоритмдин негизинде иштебесе, элүүдөн ашык адам кабыл алса кийинки жумадан баштап чектөө чаралары кабыл алынат. Тактап айтканда, коомдук тамактануучу жайларды кечки 22:00дөн эртең мененки 05:00гө чейин жабышыбыз керек болот», - деди ал.