Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаментинде коомдук транспорттун ташуучу-фирмаларынын жетекчилери менен жолугушуу болду. Бул тууралуу мэриянын басма сөз кызматы билдирди.
Транспорт департаментинин директору Максат Нусувалиев ташуучу-фирмалардын жетекчилери менен биргеликте муниципалдык жана жеке менчик жүргүнчүлөрдү ташуучу коомдук транспорт ишканаларынын күз-кыш мезгилинде иштөөгө даярдыгы маселелерин талкуулашты.
Транспорт департаментинин директору белгилегендей кыймылдуу курамды сапаттуу даярдоо үчүн жакынкы аралыкта техникалык кароо жүргүзүлөт.
Ал эми, Транспорт департаменттин кызматкерлери коомдук транспорттун күз-кыш мезгилдерине даярдыктарын текшерип башташат. Эгерде бузуулар аныкталса жана талаптарды четке какса тиешелүү чаралар көрүлөт.
Жыйынтыгында ишканалардын күз-кыш мезгилдерине даярдыктары тууралуу акт түзүлүп, кемчиликтерди жоюу боюнча иш-чаралардын пландары иштелип чыгат.
Пикирлер (0)
Пикир жок. Сиз биринчилерден болушуңуз мүмкүн