Бишкекте коомдук транспорттун катышуусунда катталган жол кырсыгынан 4 адам жаракат алды

Бишкекте Тыналиев жана Масалиев көчөлөрүнүн кесилишинде "Мерседес Спринтер" жана "Хундай-Соната" унааларынын катышуусунда жол кырсыгы катталды.

Милициянын кайгуул кызматы башкармалыгынан билдиришкендей, кырсык бүгүн саат 12:24тө катталган.

Жол кырсыгынын кесепетинен 4 адам жабыркады, анын ичинде терезеден ыргып кеткен №135 маршрутканын 3 жүргүнчүсү жана жеңил унаанын айдоочусу бар.

Учурду окуя болгон жерде кайгуул кызматкерлери иш алып барууда.