Бишкекте коронавирус жуктурган адамдар 231ге жетти

Бишкек шаарында бүгүн, 4-майга карата COVID-19 илдетине чалдыккандардын саны 231 адамды түздү. Бул тууралуу шаардын вице-мэри Татьяна Кузнецова онлайн брифингде билдирди.

Алардын ичинен, алып келинген жарандар - 34, жергиликтүү жарандар - 197. Медициналык көзөмөлдөгү байланышта болгон жактардын саны – 194.

Вице-мэрдин маалыматында, Бишкек шаарында коронавируска чалдыккан 231 бейтаптын ичинен 190 адам шаардык каттоодогу даректер боюнча жашайт, 41 адамдын каттоосу башка шаарларда. Алардын арасынан 69 адам 16 калктуу конушта турушат.

Ленин районунда – 82 адам;

Октябрь районунда – 45 адам;

Биринчи май районунда – 41 адам;

Свердлов районунда – 21 адам.