Бишкекте коронавирустан 53 жаштагы адам каза болду

Бүгүн, 22-апрелде COVID-19 вирусу бар аял каза тапты, ал 53 жашта болчу, деп билдирди Республикалык штабдын басма сөз кызматы.

Бейтап Республикалык клиникалык инфекциялык ооруканасына 5-апрелде оор абалда келип түшкөн жана кайра жандандыруу бөлүмүнө жаткарылган. Буга чейин ал 1-апрелден 5-апрелге чейин Кемин районундагы ооруканада дарыланып жаткан. Маркумда дагы кант диабети, жогорку тобокелчиликтеги гипертоникалык илдет, жүрөк дарттары бар болчу.

Муну менен өлкөдө 8-бейтап коронавирустан каза болду.