Бишкекте коронавирустан 70 жаштагы бейтап каза болду

Бишкек шаарында коронавирустан 70 жаштагы бейтап каза болду. Бул тууралуу салматтыкты сактоо министринин орун басары Нурболот Үсөнбаев 19-июндагы брифингде билдирди.

“1950-жылы туулган эркек киши Кыргыз-Түрк бейтапканасында каза болуп калды. 7-июнда эки тараптуу пневмония болуп, дем алуусу оорлошуп келген. Жүрөк оорусуда бар экен. Коронавирусту жуктуруп алгандан кийин дагы бир нече илдетке диогноздор коюлган. 25-майдан бери тоого бээнин сүтүн ичебиз деп барып, ал жактан кан басымы көтөрүлүп, ооруканага кайрылган экен. Аны жасалма дем алдыруучу аппаратка кошконго карабай каза болуп калды”, - деди Үсөнбаев.

Муну менен COVID-19дан каза болгондордун жалпы саны 32ге жетти.