Бишкекте күн ачык болот, - 25-июнга карата аба ырайы

Бүгүн, 25-июнда түнкүсүн Ош, Ысык-Көл, Нарын облустарынын кээ бир райондорунда өткүн өтүп, күн күркүрөшү, бийик тоолуу райондордо кар жаашы ыктымал.

Кыргызгидромет борбору маалымдагандай, калган аймактарда күн ачык болот. Батыш тараптан келген шамалдын ылдамдыгы секундасына 4-9 метрге жетет.

Абанын температурасы:

Чүй облусунда түнкүсүн 13…18, күндүз 30…35;

Талас облусунда түнкүсүн 7...12, күндүз 29…34;

Ош, Баткен, Жалал-Абад облустарында ​түнкүсүн 15…20, күндүз 31…36;

Ысык-Көл облусунда түнкүсүн 8…13, күндүз 19…24;

Нарын облусунда ​жана бийик тоолуу аймактарда түнкүсүн 6…11, күндүз 21…26 градус болот.

Бишкекте жаан-чачын жаабайт. Абанын температурасы түнкүсүн 18…20, күндүз 32…34 градус болот.