Бишкекте жумушчулар 2010-жылдын 7-апрелинде массалык башаламандык учурунда өрттөнүп кеткен Башкы прокуратуранын Киев көчөсүндөгү мурдагы имаратын бузууга киришти.
Анын айланасы тосулган. Ичинде атайын техника жана жумушчулар конструкцияларды демонтаждоодо. Бузуу иштери имараттын чатырын жана үстүнкү кабаттарды алуу менен башталды.
Эске салсак, Бишкек шаардык мэриясы Башкы прокуратуранын имаратын бузууга тендер жарыялаган.
Муниципалитет күйгөн объекттин ордуна куруу сунушталып жаткан имараттардын эскиздерин көрсөткөн. Мэрия жаңы имарат борбордогу имараттардан өзгөчөлөнөт деп ишендирди. Бирок, так эмне курулат - үй, соода же бизнес борбору, социалдык объектилер тууралуу айтылган эмес.
Пикирлер (0)
Пикир жок. Сиз биринчилерден болушуңуз мүмкүн