Бишкекте март айынын ичинде 36 борбордук жолдор оңдолду

Шаар мэриясынын «Бишкекасфальсервис» муниципалдык ишканасынын кызматкерлери тарабынан март айынын алгачкы күндөрүнөн тартып эле борбордук жолдордүн аң-чуңкурларын оңдоо иштерин жүргүзүп келе жатышат, деп маалымдайт мэриянын басма сөз кызматы.

Билдирүүгө ылайык, 30 күндүн ичинде 36 көчө оңдоп түзөөдөн өткөрүлгөн. Алардын жалпы аянты 2 миң 700 метр квадрат.

Борбодук 36 көчөнү оңдоп-түзөө жумуштарына «Бишкекасфальсервис» ишканасынын 6 бригадасы жана атайын техникалары тартылды.

Бул жолдордо оңдоо иштери шаар тургундарынын арыздары жана район акимдеринин кайрылууларынын негизинде көчмө комиссиянын чечимине ылайык жүргүзүлдү.