Бишкекте майда Жамааттык коопсуздук келишими уюмунун Парламенттик ассамблеясынын кезектеги жыйыны өтөт. Бул тууралуу Жогорку Кеңештин маалымат кызматынан билдиришти.
Маалыматта төрага Нурланбек Тургунбек уулу ЖККУ ПА катчылыгынын жетекчиси Сергей Поспеловду кабыл алганы белгиленди. Жолугушууда май айында Бишкек шаарында өтө турган ЖККУ ПАнын кезектеги жыйынынын программасы талкууланып, карала турган маселелердин долбоорлору тууралуу сөз болгон.
Өз кезегинде Поспелов алдыдагы жыйындын күн тартиби тууралуу кеңири маалымат берип, жүргүзүлүп жаткан даярдык иштери жогорку деңгээлде экенин кошумчалады.
Муну менен катар жолугушууда билим берүү жаатындагы кызматташтык тууралуу сөз болуп, аталган багыттагы алакаларды арттырууга тиешелүү моделдик мыйзам долбоору Кыргызстандын жогорку окуу жайлары менен биргеликте даярдалып жатканы айтылган.
Пикирлер (0)
Пикир жок. Сиз биринчилерден болушуңуз мүмкүн