Бишкекте мектептер кайрадан онлайн окутуу режимине өтөбү?

Бишкек шаарындагы мектептерди онлайн окутуу режимине өткөрүү эпидемиологиялык абалдан көз каранды. Бул тууралуу Бишкек шаарынын вице-мэри Виктория Мозгачева  "Спутник Кыргызстан" кызматына билдирген.

Анын айтымында, жакынкы аралыкта Бишкек шаарындагы эпидемиологиялык абал тууралуу жыйын өтөт.

"Отурумда Саламаттык сактоо министрлиги өз сунуштарын киргизсе керек. Азыр биз массалык иш-чараларды уюштурбай, жыйындарды онлайн-форматта өткөрүүнү сунуштап жатабыз. Мектептердеги эпидемиологиялык кырдаалга көз салып жатабыз. Бүгүн-эртең байкаштырабыз, ооругандар көп болсо чара көрөбүз", — деди Мозгачева.