Бишкекте мэриянын алдында кайрадан митинг өтүп жатат

Бишкек мэриясынын алдында иттерди атууга каршы митинг өтүп жатат. 

Митингчилер иттерди атуу боюнча мэрия атайын жумушчу топ түзүүсүн талап кылышты. 

"Биз стерилдөө жана чиптөөнү сунуштайбыз. Биз маданияттуу адамдарбыз, эмне үчүн алар жаныбарларды аткылашат? Аларга жаныбарларды өлтүрүүгө ким укук берди? "Тазалыкка" куралды ким берген? Биз мындай кызматкерлерди жоопко тартышыбыз керек”, - деди нааразы болгондордун бири.

Кийинчерээк аларга борбор калаанын турак-жай коммуналдык чарба иштери боюнча вице-мэри Жамалбек Ырсалиев чыкты. Ал иттерди атууга бир айлык мораторий жарыялаганын айтып, кызматташууга даяр экендигин билдирди.

"Биз сайт бөлүп бердик. Активисттер ал жерге баш калкалоочу жай куруп, иттерди арылтууну сунушташат. Биз шаардыктар менен биргеликте иш алып барууга ар дайым даярбыз”, - деди Жамалбек Ырсалиев.