Бишкекте мыйзамсыз орнотулган 90 объект түрттүрүлдү

Бишкек шаарынын мэри Азиз Суракматовдун тапшырмасы менен жѳѳ жүргүнчүлѳр аймагынын курулушу жүргүзүлүүдѳ. Коопсуз аймакты уюштуруу үчүн мурда мыйзамсыз басып алынган же берилип кеткен жерлер шаарга жана шаардыктарга кайтарылып жатат. Бул тууралуу мэриянын басма сөз кызматы билдирди. 

Жер пайдалануу жана курулуш башкармалыгынын жана «Тазалык» муниципалдык ишканасынын кызматкерлери муниципалдык жерге мыйзамсыз орнотулган объектилерди алуу иштерин жүргүзүүдѳ.

“Биз Абдрахманов (Байтик Баатыр), Ахунбаев кѳчѳлѳрү, Манас, Чүй проспектилери чектешкен чарчы боюнча вело жол жана тротуардын курулушу үчүн жерди бошоттук. Мыйзамсыз орнотулган 90 объект түрттүрүлдү. Мыйзамсыз орнотулган капиталдык курулуштарды, күркѳлѳрдү, жеңилдетилген типтеги объектилерди алуу иштери улантылууда”, - деп билдирди басма сөз кызматы.

Мындан тышкары мэрия жер пайдалануу жана курулуш эрежелерин, ошондой эле санитардык нормаларды сактоону өтүндү. Эгерде мыйзамсыз орнотулган объектилер байкалса 0703633833 (Алина) номерине жиберип коюуну өтүндү.