Бишкек шаардык мэриясынын жер пайдалануу жана курулуш башкармалыгынын, ошондой эле «Тазалык» муниципалдык ишканасынын кызматкерлери мыйзамсыз объекттерди түрттүрүү иштерин улантып жатат. Бул тууралуу мэриянын басма сөз кызматы билдирди.
Маалыматка караганда, П.Лумумба менен Профсоюзная көчөлөрүнүн кесилишиндеги кароосуз калган 40 тонналык контейнер алынып, Элебесов көчөсүндөгү «Той-Ордо» кафесинин тосмосу бузулду.
«Ошондой эле Чүй проспектиси, Шопоков, Токтогул жана Гоголь көчөлөрү мыйзамсыз курулуштардан тазаланды, жалпы 12 объект алынды. Табышалиев көчөсүндө жайгашкан үйдүн жанындагы курулуш да бузулду, үй ээсинде тиешелүү документ жок болгон. Муниципалдык аймактын 35 чарчы метр жери бошотулду», - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн