Бишкекте майыптарга, пенсионерлерге акысыз азык-түлүк таркатуу эл көп келип токтотулду (видео)

Бишкек шаарындагы "Борбордук базарда" кары-картаңдарга жана ден-соолугунан мүмкүнчүлүгү чектелгендерге акысыз азык-түлүктөр таркатылбай калды.

Маалыматка ылайык, акысыз жардамды алам деген жарандар пенсиялык күбөлүк жана майыптыгын тактаган документтер менен келүүсү керек болчу. Калоочулар көп болуп, эл массалык түрдө үйүлүп кеткенине байланыштуу, тартип сактоочулар элди таркаткан.

Ал эми уюштуручулардын бири Марат Жуманалиев онлайн кезеке тургузуп, азык-түлүктөрдү үйлөрүнө жеткирип берерин айтты.