Россиянын Соль-Илецк шаарынан келген 51 адам Талас облусундагы Талды-Булак постунан кайрадан обсервацияга алынды. Бул тууралуу Республикалык ыкчам штабдан билдирди.
Маалыматка ылайк, алардын ар биринен буга чейин Бишкек шаарында 2 жолу ПЧР-анализ алынып, “таза” деген жыйынтык чыккан. Бирок коопсуздук үчүн 51 адам Кара-Буура жана Бакай-Ата райондорунда уюштурулган обсервацияларга жайгаштырылды. Алардан кошумча ПЧР-анализдер алынып обцервацияга дагы 5 күн жаткырылат.
Ал эми жарандар жергиликтүү бийлик өкүлдөрүнө баш ийбей бир топ кыйынчылыктарды жараткан. Түшүндүрүү иштеринен кийин 51 адам жергиликтүү бийликтин талаптарына макул болгон.
Пикирлер (0)
Пикир жок. Сиз биринчилерден болушуңуз мүмкүн