Бишкекте өткөрмө кагазын алууга 52 миңден ашык өтүнүч түшкөн

Бишкек шаарынын комендатурасына өзгөчө абал убагында өткөрмө кагаздарын алуу үчүн 52 131 билдирме келип түшкөн. Бул тууралуу шаар коменданты Алмаз Орозалиев бүгүн, 4-майда онлайн брифингде билдирди.

Анын айтымында, алардын ичинен 7028 адам уруксат алды.

“Өзгөчө абал учурунда 25-марттан 3-майга чейин коменданттык саатты 3 074 жаран бузду. Алардын ичинен, эркектер – 2658, аялдар – 416. Алардын арасынан өспүрүмдөр – 13, чет элдик жарандар – 97”, - деп билдирди Алмазбек Орозалиев.

Анын айтымында, бул аралыкта 2 093 кылмыш иши козголуп, алардын 1 903 бети ачылган. Ошондой эле 71 ЖТК катталып, жыйынтыгында 86 адам жабыр тарткан.