Бишкекте пневмония менен ооругандар үчүн 176 бош орун бар

Бишкек шаарында пневмония менен ооруган жарандар үчүн 176 бош орун бар. Бул тууралуу Саламаттыкты сактоо министрлигинин өкүлү  Айнура Акматова брифинг учурунда билдирди. 

Анын айтымында, орундар Улуттук госпиталда, №1 шаардык ооруканада жана "Ганси" авиа базасында бар.  

"Пневмония менен жабыркаган жарандар ал жерлерге 118 call-борборлору жана 103 кызматы аркылуу кайрыла алышат", - деди ал. 

7-июлга карата республика боюнча СOVID-19 инфекциясынын жаңы 3 учуру катталды. Муну менен республика боюнча жалпы 8 141 учур катталды. Каза болгондордун жалпы саны - 99.