Бишкекте таштандыларды бөлүп чогултуу үчүн заманбап контейнерлер орнотулду.
Муниципалитеттен билдиришкендей, контейнер аянтчасы Токтогул жана Тыныстанов көчөлөрүнүн кесилишинде пайда болду.
Аянтча таштанды контейнерлерин сактоо үчүн модулдардан турат, ошондой эле тиричилик таштандыларын сорттоонун пайдасы жөнүндө маалымат такталары жана өндүрүүчү компаниянын QR-коду бар.
Мындан тышкары, аянтчанын маңдайында ошол эле компаниянын акылдуу интерактивдүү коомдук транспорттук аялдамасын орнотуу кызуу жүрүп жатат.
Ошону менен бирге Токтогул көчөсү Тыныстанов көчөсүнөн Эркиндик бульварына чейин түндүк тарабынан 10 даана жаңы көчө чырактары орнотулду.
Белгилей кетсек, пилоттук долбоорду ишке ашыруу Биринчи май районунун акимчилиги менен ишкерлердин кызматташуусунун алкагында, "Чайкоф" кофейнясынын демөөрчүлүгү менен ишке ашырылып жатат.
Пикирлер (0)
Пикир жок. Сиз биринчилерден болушуңуз мүмкүн