Бишкекте 28-29-30-31-январь күндөрү "Агро-Диалог-2025" аталышындагы агроөнөр жай форуму өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, форумда республиканын бардык дыйкан-фермерлери айыл чарба тармагынын ар бир багыты боюнча ийгилик жараткан чемпиондор жана ишкерлер менен баарлашып, мыктылар өз тажрыйбасын ортого салышат.
Талкуунун жыйынтыгында агроөнөр жай тармагында өнөктөштөрдү табууга өбөлгө түзүлүп, ишкерлер бизнесин өнүктүрүүгө жана өз продукциясын сыртка экспорттоого мүмкүнчүлүктөр жаралат.
Иш-чара 28-январь — өсүмдүк өстүрүү, 29-январь — мал чарбасы, 30-январь — кайра иштетүү жана экспорт багытында кызыктуу талкуу болот. Ал эми 31-январда форумдун жыйынтыктоочу бөлүгү уюштурулат.
"Бардык калоочулар үчүн эшигибиз ачык. Өтө турчу жери К.И. Скрябин атындагы Кыргыз улуттук агрардык университети. Башталышы саат 10:00дө. Ал эми жыйынтыктоочу бөлүгү А.Малдыбаев атындагы Улуттук опера жана балет театрында өтөт", - деп айтылат маалыматта.
Байланыш номерлери:
Пикирлер (0)
Пикир жок. Сиз биринчилерден болушуңуз мүмкүн