Бишкекте түнкүсүн талап-тоноолор болгон жок, - милиция

Бишкек шаарында абал тынч. Бул тууралуу Бишкек шаардык милициясы билдирет.

Маалыматка караганда, түндө шаарда кандайдыр бир талкалоолор жана талап-тоноолор болгон эмес.

"Шаардык милиция, аскер жана элдик кошуундардан турган түнкү кайгуул мыйзам бузуу жана кылмыштардын алдын алуу жана бөгөт коюу боюнча кызмат өтөштү. Коомдук коопсуздук күч түзүмдөрүнүн жана элдик кошуундун көзөмөлүндө турат. Жеке жана мамлекеттик мүлк, ошондой эле стратегиялык объекттер коргоого алынган", - деп билдиришти шаардык милициядан.