Бишкекте турак жай өрттөндү

Бишкек шаарында турак үй толугу менен күйүп кетти. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, Ленин районунун Каховский көчөсүндө жыгач устундуу шифер жабылган аянты 130 чарчы метр турак үй толугу менен күйгөн. 

Учурда өрттүн себеби такталып жатканы айтылат.

Ал эми бир сутка ичинде республиканын аймагында 5 өрт кырсыгы катталып, аларды өчүрүүгө 6 өрт өчүрүү бөлүм тартылган.