Бишкек шаарындагы үй-бүлөнүн чыры аянычтуу аяктады. Үйдүн кожоюну аялы менен уулун бычактап, андан соң асынып алды. Бул тууралуу Октябрь РИИБинин басма сөз кызматынан билдиришти.
Маалыматка ылайык, окуя 6-мартта саат 12:00 чамасында 5-кичи районунда болгон.
“Окуя болгон жерге барган ыкчам тергөө тобу көп кабаттуу батирдин ичинен аялдын жансыз денесин жана ваннадан асынып алган эркек кишинин сөөгүн табышкан. Ал эми 2010-жылы туулган баланы оор абалда "Тез жардам" кызматы №3 балдар ооруканасына жеткиришкен”, - деп айтылат маалыматта.
Учурда териштирүү иштери жүрүүдө. Кошумча маалымат кийинчерек бериле турганы белгилүү болду.
Пикирлер (0)
Пикир жок. Сиз биринчилерден болушуңуз мүмкүн