Бишкекте жарнама конструкцияларын демонтаждоо уланууда.
Муниципалитеттен билдиришкендей, мэриянын жер пайдаланууну контролдоо башкармалыгынын адистери "Бишкекбашкыархитектура", "Тазалык" ишканасынын өкүлдөрү жана Свердлов акимчилигинин кызматкерлери менен биргеликте жарнамалык конструкцияларды демонтаждоо боюнча рейддик иш-чараларды өткөрдү.
Рейд Төрөкул Айтматов көчөсүнүн Чүй проспектисинен Мамбетов көчөсүнө чейинки бөлүгүндө жүргүзүлдү. Рейддин жүрүшүндө 14 жарнама конструкциясы жана 1 бастырма демонтаждалды.
Буга чейин комиссия тарабынан жарнама жайгаштыруу эрежелерин сактоо боюнча түшүндүрүү иштери жүргүзүлүп, билдирмелер берилген.
Пикирлер (0)
Пикир жок. Сиз биринчилерден болушуңуз мүмкүн