Бишкекте жол кирени 21 сомго көтөрүү сунушталды

Бишкек шаарында коомдук транспортто жүрүү акысын көтөрүү жөнүндө токтом долбоору сунушталды. Бул тууралуу Бишкек шаарынын мэриясынын басма сөз кызматы билдирди.

Токтом долбооруна ылайык,  Бишкектеги троллейбус жана автобустарда жүрүү акысы 15 сом, ал эми маршруткаларда жүрүү акысы 21 сом.

Саат 06:00дөн 20:30га чейин бардык транспорттордо жүрүү акысы 21 сом, 20:30дан 06:00гө чейин бардык транспорттордо жүрүү акысы 32 сом.

Ошондой эле, майыптыгы бар, пенсионерлер жана 7 жашка чейинки балдарга жеңилдик берилет.