Бишкекте жүк ташуучу унаанын айдоочусу сегиз жаштагы кызды сүзүп кеткен

Бишкекте Mercedes-Benz Sprinter үлгүсүндөгү жүк ташуучу унаанын айдоочусу сегиз жаштагы кызды коюп кеткенин Патрулдук милиция билдирди.

Кырсык кечээ саат 11:00 чамасында Сергей Лазо көчөсүндөгү №54 мектептин жанында болгон. Кыз ооруканага жетпей каза тапкан.

33 жаштагы Д.А. аттуу жарандын жүк ташуучу унаасы айып короого токтотулуп, кырсык маалымат журналына катталды.

Бишкек шаардык Патрулдук милиция башкармалыгы айдоочуларды жол эрежесин сактоого, жөө адамдар өтүүчү өтмөктөрдө сак болууга чакырат.