Бишкекте түз эфир учурунда Kaktus.media сайтынын кабарчысы Марат Уралиевге кол салуу болду. Бул тууралуу журналист өзү “Медиа центр” мультимедиалык-маалымат агенттигине билдирди.
Анын маалыматы боюнча, бүгүн, 11-июнда “Кайнар” ресторанында экс-депутат Өмүрбек Бабановдун каза болгон эжесине куран окутулуп жаткан. Ресторандын жанында бир топ белгилүү саясатчылар жана чиновниктер турушкан.
Марат Уралиев аларга жакын келип, массалык иш-чараларды өткөрүүгө чектөө салынганына карабай, ресторанда көп сандагы адамдар чакырылганын видеого тартып жаткан. Бирок тартуу иштерине белгисиз адам тарабынан тоскоолдук жасалган. Адегенде ал журналистти кубалап, андан кийин ага күч колдонгон.
Пикирлер (0)
Пикир жок. Сиз биринчилерден болушуңуз мүмкүн