Бишкектеги “ТЭЦ-2 Ак-Ордо” конушунун өзгөчө абалдагы көрүнүшү (фото)

Бишкек шаарындагы “ТЭЦ-2 Ак-Ордо” конушунда өзгөчө абал киргени анча байкалбайт.

Сүрөттө көрүнүп тургандай, Муромская-Б, Алыкулов көчөлөрүнүн кесилишинде блокпост орнотулган жана атайын кызматкерлердин чатыры тигилген.

Бирок ал жерден автоунаалар жана жөө жүргүнчүлөр эркин өтүп жатканын көрүүгө болот. Бул жол “Ак-Өргө” конушун, Жал кичирайонун жана Сокулук районунун Орок, Күн-Туу айылдарын бириктирип турат.

Ошондой эле, көчөнүн кесилишинде май куюучу жай бар, ал дагы кадимки режимде иштеп жатат.

Мындан тышкары, оюн аянтчасында өспүрүм балдардын ойноп жүргөнүн байкоого болот.