Бишкектеги башаламандык: №4 ооруканада 82 адам дарыланууда, бири комада

Саламаттыкты сактоо министри  Сабиржан Абдикаримов 7-октябрда "Ала-Тоо" аянтындагы башаламандыкта жабыркап, ооруканага түшкөн адамдардан кабар алды. 

Ортопедиялык жана травматологиялык илимий-изилдөө борборунун жетекчиси Сабырбек Жумабеков белгилегендей, ооруканага ар кандай жараат алган 400дөн ашык жаран катышты. 

"Учурда 82 бейтап дарыланып жатат, бир адам оор абалда, комада жатат. Биз анын ден соолугун көзөмөлдөп жатабыз. Калган бейтаптар алган жараатына жараша дарыланууда", - деди ал.