Бишкектеги ипподромдун ордуна көп кабаттуу үйлөр эмес спорт аренасын куруу сунушталды

Бүгүн, 6-апрелде Жогорку Кеңештин депутаты Нуржигит Кадырбеков Бишкек шаарындагы "Ак-Кула" ат майданынын ордуна спорт аренасын курууну сунуштады.

Анын айтымында, Кыргызстанды азыркы учурда спортчулар дүйнөгө таанытып жатат.

"Биздин мыкты спортчуларыбыз бар. Бирок алардын машыккан жерлерин чет өлкөлүк спортчулар көрүп таң калат экен. "Ушундай жерде машыгып чемпион болуп жатасыңбы " деп. 

Чет өлкөдө спортко кандай көңүл бурарын өзүңүздөр билесиздер.

Эми Бишкектеги ат майданынын ордуна көп кабаттуу үйлөрдү пландап жатат. Бизде үйлөр толуп кетти. Ошонун ордуна спорт аренасын куруу керек. Мына кошуна өлкөлөр Олимпиада өткөрүүгө ат салышууда. Бизде дурус спорттук арена жок",- деди депутат.

Кадырбековдун сунушун кесиптеши Тазабек Икрамов да колдоду.