Бишкектеги өрттөн 1 адам каза болду

Бишкек шаарындагы ири өрттөн бир адам каза болду, деп билдирди ӨКМдин басма сөз кызматы. 

Маалыматка караганда, каза болгон адамдын өздүгү такталууда. 

"Сухе Батор жана Юнусалиев көчөлөрүнүн кесилишинде жайгашкан дарыканадан жана тез тамактануучу жайдан чыккан өрт саат 16:45те чектөөгө алынды. Өрттүн кесепетинен 1 адам каза болду (аты-жөнү, туулган жылы жана жынысы такталууда). Учурда өрттү толук өчүрүү иш-чаралары жүргүзүлүүдө", - деп айтылат маалыматта.