Бишкектеги суулардын жээктери мэрияга 49 жылга ижарага берилди

Бишкектеги суулардын жээктери мэрияга берилди. Тиешелүү токтомго министрлер кабинетинин төрагасы Адылбек Касымалиев кол койгон.

Ага ылайык, төмөнкү жээктер муниципалитетке 49 жылга берилет:

- Ала-Арча суусу — Семетей көчөсүнөн Жапаров көчөсүнө чейин;

- Аламүдүн суусу — Көк-Жар көчөсүнөн айланма жолго чейин;

- Чыгыш Чоң Чүй каналы — Ауэзов көчөсүнөн Ала-Арча суусуна чейин;

- Түштүк Чоң Чүй каналы — Ауэзов көчөсүнөн Ала-Арча суусуна чейин;

- Чоң Чүй каналы — Курманжан датка көчөсүнөн Фучик көчөсүнө чейин;

- Кичи Чүй каналы — Алма-Ата көчөсүнөн Архитекторлор көчөсүнө чейин.

Мэрия бул жерлерди ижарага бере алат, мындан тышкары, көрктөндүрүүгө милдеттендирилет. Буга чейин мэрия Ала-Арча суусунун жээгин бойлой сейил бак салуу планын жарыялаган.