Бишкектин мэри үч эмдерден кабар алып, 90 миң сом белек тапшырды

Борбор калаанын мэри Эмилбек Абдыкадыров үч эм төрөлгөн үй-бүлөгө барды.

Мэриянын басма сөз кызматы билдиргендей, калаа башчысы үй-бүлөнү  куттуктап, 90 миң сомдук сертификат жана азык-түлүк  тапшырды.

Эске салсак, 20-декабрда Нурзида Садырбаева Нурбакыт, Нурмухамет, Нурсултан аттуу үч эмдерди жарык дүйнөгө алып келген.

Үй-бүлөдө жети бала бар – 6 уул, 1 кыз. Борбор калаанын мэриясы ата-энелерге жана балдарга чың ден соолук жана бакубатчылык каалады.