Бишкекте коменданттык сааты учурунда айдоочу мас абалында кармалды. Бул тууралуу Ички иштер министринин орун басары жана Бишкек шаарынын коменданты Алмазбек Орозалиев Өкмөт үйүндө болгон жыйында айтты.
Орозалиевдин айтуусуна караганда тартип сакчылар тарабынан эскертүүчү ок атылган.
“Лев Толстой/ Алыкулов көчөсүндөгү блок пост аркылуу “Toyota Windom” үлгүсүндөгү унаа тартипке баш ийбей өткөн. Унааны кууп Лумумбу/Ден-Сяопин көчөлөрүнөн кесилишинде кармаган учурда ичинде 2 азият улутундагы адам мас абалында кармалган. Алар Бишкек шаарынын тургундары болуп чыкты”, - деди Орозалиев.
Ал эми, борбор калаада 146 тартип бузган жаран кармалды. Алардын ичинен 13 аял, 133 эркек, анын ичинде 1 чет элдик бар экени айтылды.
Пикирлер (0)
Пикир жок. Сиз биринчилерден болушуңуз мүмкүн