Быйыл окуу жылы 30-майда аяктайт (видео)

Быйыл өлкөдөгү кырдаалга байланыштуу окуу жылы 30-майда аяктайт. Акыркы коңгуроо салтанаты да ушул күнү онлайн түрүндө өткөрүлөт, деп билдирди билим берүү жана илим министринин орун басары Надира Жусупбекова онлайн брифингде.

Анын айтымында, Билим берүү министрлиги мамлекеттик, муниципалдык жана жеке менчик бала бакчалар боюнча мониторинг жүргүздү. Мониторингдин жыйынтыгында республика боюнча 9 000ге жакын бала бакчага бараары маалым болду.

“Балдардын коопсуздугу биринчи кезекте каралгандыктан, биз тиешелүү кызматтардын уруксатынан кийин гана бала бакчаларды жандандырууга өтөбүз”, - деп билдирди Надира Жусупбекова.