Быйыл Кыргызстанда жаз эрте келгендигине байланыштуу жазгы айдап себүү иштери да эрте башталды, деп билдирди айыл чарба, тамак аш өнөр жайы жана мелиорация министринин орун басары Жаныбек Керималиев бүгүн, 6-апрелде онлайн брифингде.
Анын айтымында, быйылкы жылы 1 млн 221 миң гектар жерге айдап себүү иштери жүргүзүлөт. Бул былтыркы жылга салыштырмалуу 2 миң 500 гектарга көп. Республика боюнча 6 миң гектар жерге картошка эгилет. Бул 1 мин гектар жерге көп болду.
Өлкө аймагы боюнча башка региондорго караганда Жалал-Абад облусунда көп жер айдалышы пландалып жатат. Ысык-Көл облусунда талаа жумуштары башталды, 800 гектар жерде азыр азыктандыруу болуп жатат. Бул 200 гектарга көп болду. Жаз 10-15 күн эрте келгендиктен Нарын облусунда жаңыдан башталып жатат.
“Быйыл түшүм мол болот, деген ишеничтебиз. Арпа, буудайдын үрөнү даяр. Дыйкандар үрөн маселесине кыйналдбайт деген ойдомун”, - деди ал.
Мындан сырткары 10-апрелден баштап бардык региондо толугу менен айдоо
иштери жолго коюларын кошумчалады.
Пикирлер (0)
Пикир жок. Сиз биринчилерден болушуңуз мүмкүн