Болот Шер дүйнөдөн кайтты

Жогорку Кеңештин мурдагы вице-спикери Болот Шер ооруканада көз жумду. Бул туурасында маркумдун жакындары тастыктады деп жазды sputnik.kg сайты.

Экс-депутат Болот Шер инсульттан улам 12-июнга караган түнү Улуттук госпиталга жаткырылган. Ошол учурдан бери ал комада болгон.

61 жаштагы кыргыз саясатчысы, экс-депутат Болот Шер Убактылуу өкмөттүн учурунда ИИМдин башчысы, парламенттин мурдагы вице-спикери болуп иштеген.

Ал 1959-жылы 1-майда Талас облусунун Манас районуна караштуу Пушкин айылында туулган. Артында эки уул, эки кызы калды.