Бомба коюлган деген маалымат түшкөн. Бишкектеги бир нече мектептин окуучулары эвакуацияланды

Бүгүн, 20-январда Бишкек шаарында бир нече мектептин окуучулары эвакуацияланды. Бул тууралуу жергиликтүү маалымат булактары билдирди.

Маалым болгондой, бүгүн саат 09:20 да Улуттук коопсуздук мамлекеттик комитетине мектепте бомба коюлганы тууралуу маалымат түшкөн.

Учурда борбордогу № 33, № 66, "Чыңгыз Айтматов атындагы лицей жана "Илим" билим берүү мекемесинин окуучулары жана мугалимдери эвакуацияланган.

Укук коргоо органдарынын кызматкерлери тиешелүү иш-чараларды жүргүзүүдө.